खोज
जीवन र परमेश्वरको बारेमा
प्रश्नहरूको अन्वेषण गर्न सुरक्षित ठाउँ
प्रश्नहरूको अन्वेषण गर्न सुरक्षित ठाउँ
खोज
जिन म्याककोनेल
चिसो अनि अँध्यारो रातमा अगेनोमा बल्दै गरेको आगोभन्दा वेस अरू केही हुनसक्दैन । यो सुरक्षित, न्यानो, आरामदायी र रोमान्चक हुन्छ। अब अगेनोमा बलेको आगोलाई निकाल्नुहोस् र बैठक कोठाको ठीक बीच भागमा खसाल्नुहोस्। एक्कासि त्यो विनाशक बन्न पुग्छ । यौन पनि त्यही आगो हो। जबसम्म यसलाई वैवाहिक सम्बन्धको सुरक्षात्मक प्रतिबद्धतामा व्यक्त गरिन्छ, यो अद्भुत, न्यानो र रोमान्टिक हुन्छ। तर अश्लील सामग्रीले यौनलाई यसको प्रसङ्गभन्दा बाहिर लैजान्छ।
मानसिक तवरले हाम्रो सबैभन्दा महत्त्वपूर्ण पक्ष भनेको हामी यौनिक रूपमा को हौं भन्ने स्वस्थ विचार हो। यदि यी विचारहरू प्रदूषित हुन्छन् भने हामी को हौं भन्ने एउटा महत्त्वपूर्ण भागमा प्रभाव पर्दछ। अश्लील सामग्रीको दुनियाले तपाईलाई यौन, प्रेम र सामीप्य सबै एउटै कुरा हो भनी बताउँछ। अश्लील सामग्रीमा आफूले हालसालै मात्र भेटेको बिलकुल अपरिचित व्यक्तिहरूसँग यौन सम्बन्ध राखिन्छ। यसमा आफ्नो यौन सन्तुष्टिको मात्र मतलब हुन्छ। यसमा, कसको शरीरको उपयोग गर्दैछु मतलब हुँदैन। अश्लील सामग्रीले तपाईंलाई यौन भनेको बिना कुनै परिणाम जुनसुकै समय, जहाँकहीँ र जोकीहीसँग राख्न सक्नुहुन्छ भनेर सोच्न लगाउँछ।
अश्लील सामग्रीको साँघुरो बिचारोको समस्या यो हो कि सम्बन्धहरू यौनमा आधारित हुँदैनन्, तर प्रतिबद्धता, हेरविचार र परस्पर विश्वासमा आधारित हुन्छन्। यस परिप्रेक्ष्यमा, अगेनाभित्रको आगोजस्तै यौन अद्भुत हुन्छ। तपाईंलाई माया गर्ने र स्वीकार गर्ने, तपाईंको जीवनभरि एकसाथ रहन तपाईंप्रति प्रतिबद्ध हुने र आफैलाई पूर्ण रूपमा समर्पण गर्न सकिने व्यक्तिसँग हुनुले यौनलाई एकदमै अद्भुत बनाउँछ।
अश्लील सामग्रीबाट तपाईंले यौन बारेको सत्यतालाई सिक्न सक्नुहुन्न। यसले सत्यतामा सम्बन्ध बनाउँदैन। अश्लील सामग्री शिक्षा दिनको लागि नभई, बेच्नको लागि बनाइन्छ। यो एउटा ठुलो व्यवसाय हो जसले जसरि भए पनि धेरै पैसा कमाउँछ । तिनीहरूले त्यही देखाउनेछन्; जुन कुराले तपाईंलाई फर्केर आउने र अरू किनौ-किनौ बनाउँछ। त्यसकारण अश्लील सामग्रीले दर्शकहरूलाई पकडमा राख्न आकर्षित झुटहरू बनाउदछन । अश्लील सामग्री फस्टाउनको लागि निम्न प्रकारका झुटहरु को बारेमा बताउदछ – यौनको बारेमा झुट, महिलाहरू, विवाह र अन्य यस्ता थुप्रै झुट कुराहरू । आउनुहोस्, यसका केही झुटहरूका बारेमा र तिनीहरूले तपाईंको जीवन र मानसिकताहरूलाई कति सम्म खराब बनाउन सक्छ भन्ने बारे हेरौं।
अश्लील सामग्रीले ती बर्बाद भएका जवान महिलाहरू र लतमा फसेका पुरुषहरूबाट नाफा कमाउँछ जसले आफ्ना धेरै जसो समय र पैसा अश्लील सामग्री निर्माण गर्न खर्च गर्दछ । हामीले देख्ने र सुन्ने कुराहरूले कुनै असर गर्दैन भन्ने हामीलाई लाग्न सक्छ। तर पनि राम्रो सङ्गीतले, राम्रा चलचित्रहरूले र राम्रा किताबहरूले हाम्रो जीवनमा ठुलो प्रभाव पार्छ भन्ने कुरालाई हामी सबैले स्वीकार गर्छौं। ती कुराहरूले हामीलाई राहत दिन, शिक्षा दिन, अघि बढाउन र प्रेरणा दिन सक्छ। प्रेरणाप्रद संचार माध्यमले हामीलाई फाइदा गरेता पनि अश्लील सामग्रीले चाहिं हामीमा नकरात्मक असर पार्छ
तस्बीरहरू सधैं तटस्थ हुँदैनन्। तिनीहरूले हामीमा प्रभाव पार्छन्। व्यवसायहरूलाई यो कुरा थाहा हुन्छ कि यदि बढी भावुक भएको समयमा तिनीहरूका उत्पादनको तस्बीर लगातार देखाउन तिनीहरूले सके भने, त्यो तपाईंको अवचेतन मनको गहिराइमा बस्नेछ। विज्ञापन वैज्ञानिकहरू आफ्ना काममा यति सिपालु हुन्छन्, र यदि तपाईंले तिनीहरूका विज्ञापन देख्नुभयो भने तिनीहरूका उत्पादन कति मात्रामा तपाईंले खरिद गर्नुहुनेछ भनेर तिनीहरूले अनुमान लगाउन सक्छन्। कहिलेकाहीँ त दर्शकहरूले तिनीहरूका उत्पादनको नाउँ समेत देख्दैनन्। रिसस् पिसेस्ले “ET (ई.टि.)” चलचित्रमा केही सेकेण्ड आफ्नो क्यान्डी देखाउनलाई ठुलो रकम खर्च गर्यो, र रिसस् पिसेस्को बिक्री आकासियो। किन? किनभने यस चलचित्रको सानो केटोले एलियनलाई भेट्दाको दृश्यसँग जोडिएको भावना, क्यान्डीको दृश्य तस्बीरमा बदली भयो। यदि उत्पादनको केही सेकेण्डको दृश्य–जबकि यो ध्यानाकर्षणको मुख्य कुरो थिएन–ले मानिसहरूका व्यवहारलाई प्रभावित पार्न सक्छ भने, त्यो चलचित्रको प्रभावलाई विचार गरौं जसले प्रत्यक्ष यौनिक चित्रहरू मार्फत् साढे एक घण्टा तपाईंको ध्यानलाई स्क्रीनमा लगाइराख्छ।
अश्लील सामग्रीले के-कस्ता विचारहरू तपाईंको दिमागमा राखिदिन्छ? यदि खराब कुराहरू लगातार थुप्रिँदै जान्छ भने, तपाईंको मानसिक पर्यावरण यति प्रदूषित हुनसक्छ कि तपाईंको जीवनमा समस्याहरू आइपर्न सक्छन्। यौनिक रूपमा हामी को हौं भन्ने स्वस्थ विचार नै मानसिक पर्यावरणको सबैभन्दा महत्त्वपूर्ण पक्ष हो। यदि यी विचारहरू प्रदूषित भए भने, हामी को हौं भन्ने कुराको महत्त्वपूर्ण पक्ष नै हराउछ।
अश्लील सामग्री हेर्ने सबैमा यसको लत बस्दैन। केहीले चाहिँ पुरुषहरू, महिलाहरू, यौन, विवाह र केटाकेटीका बारेमा विषाक्त विचारहरू लिएर हेर्छन्। तर, अरू केहीमा तीब्र लत बसाल्ने एक प्रकारको भावनालाई यसले सहायता गर्छ । अश्लील सामग्री उत्पादक कम्पनीहरूलाई आफ्ना उत्पादनको पूर्णतया लतमा तपाईं फस्नु भए पनि केही फरक पर्दैन। यो व्यवसायको लागि फाइदाजनक छ। डा. भिक्टर क्लाइनले लतका चरणहरूलाई विभिन्न अवस्थामा विभाजन गरेका छन्; कुलतको अवस्था, बढौतीको अवस्था, संवेदनशीलताको अवस्था र नक्कल गर्ने अवस्था। अश्लील सामग्रीको लत परेकाहरूमा, सबैभन्दा पहिले आउने एउटा अर्को अवस्था– कलिलै उमेरमा अश्लील सामग्रीको बारेमा थाहा पाउनु–लाई मैले भेट्टाएको छु।
कलिलै उमेरमा थाहा पाउनु
अश्लील सामग्रीको लत परेकाहरूले कलिलै उमेरमा यो हेर्न सुरु गर्छन्। तिनीहरूले सानै उमेरबाट अश्लील सामग्री हेर्न थाल्छन् र यसले तिनीहरूको दिमागमा ठाउँ बनाउँछ।
अश्लील सामग्रीको लत
तपाईं अश्लील सामग्री सधैं हर्नुहुन्छ। यो तपाईंको जीवनको अभिन्न अङ्ग बन्छ। तपाईं यसमा फस्नुहुन्छ र यसलाई छोड्न सक्नुहुन्न।
बढौतीको अवस्था
तपाईं अरू बढी यौनजन्य सामग्री हेर्न थाल्नुहुन्छ। तपाईंलाई पहिला मन नपरेको यौन सामग्रीलाई तपाईंले प्रयोग गर्न थाल्नुहुन्छ। अहिले त्यसले तपाईंलाई उत्तेजित बनाउँछ।
संवेदनशीलता
तपाईंले देख्ने तस्बीरहरूप्रति तपाईं सुप्त हुन थाल्नुहुन्छ। अतिशय यौनजन्य सामग्री समेतले तपाईंलाई उत्तेजित बनाउँदैन। तपाईं पहिलेजस्तै रोमाञ्चित हुन व्यग्र बन्नुहुन्छ, तर त्यो तपाईंले पाउन सक्नुहुँदैन।
यौनिक नक्कल गर्नु
यति बेला पुरुषहरूले एउटा महत्त्वपूर्ण फड्का मार्छन् र तिनीहरूले देखेका यौनजन्य सामग्रीको नक्कल गर्न सुरु गर्छन्। कागज र प्लास्टिकका यौनजन्य तस्बीरहरूमा देखाइएका केही आसनहरू वास्तविक संसारमा वास्तविक मानिसहरूसँग हानिकारक तरिकाले प्रयोगमा ल्याइन्छ।
यदि तपाईंले यी कुराहरूलाई आफ्नो जीवनमा पाउनुहुन्छ भने, तपाईंले अहिले नै त्यसलाई त्याग्नु आवश्यक छ। के अश्लील सामग्रीले तपाईंको जीवनमाथि नियन्त्रण गर्ने क्रम बढ्दो छ? के यसलाई छोड्न तपाईंले सकिराख्नुभएको छैन? के तपाईंको मनमा अझ बढी यस्ता सामग्री हर्ने इच्छा आउँछ?
तपाईंले गर्नुपर्ने पहिलो कुरा अश्लील सामग्रीसितको तपाईंको सङ्घर्षलाई स्वीकार्नु हो। मलाई विश्वास गर्नुहोस्, तपाईंले स्वीकार गर्नुभयो भने तपाईं अनौठो अथवा असामान्य लाग्नु हुनेछैन। लाखौं पुरुष तथा महिलाहरू अश्लील सामग्रीसितको तिनीहरूको सङ्घर्षमा विभिन्न चरणहरूमा छन्। यसले खासै अचम्मित पार्दैन। अश्लील सामग्री उत्पादक कम्पनीले तपाईंलाई पासोमा पार्न लाखौं डलर खर्च गरेको हुन्छ। यसमा तिनीहरू सफल हुँदा के तपाईं साँच्चीकै स्तब्ध हुनुहुन्छ? तपाईंहरूमध्ये केहीका लागि तपाईंको विगतमा दुर्व्यवहार अथवा कलिलै उमेरमा यौनका बारेमा थाहा पाउनु जस्ता समस्याहरू भोग्नुपरेका होलान्, जसले गर्दा तपाईंलाई छोड्नै गाह्रो पर्ने गरी अश्लील सामग्रीको लत लागेको हुन सक्छ । बिना कुनै सहायता तपाईं एक्लैले यो लत छोड्न धेरै सङ्घर्ष गर्नुपर्छ।
यो लत छोड्न तपाईंलाई अरूको सहायता चाहिन्छ। गोप्यरुपमा यस माथि विजय हासिल गर्नु एकदमै महत्त्वपूर्ण छ। यो बिना तपाईंले लत छोड्न सक्नुहुन्न। यसको मतलब तपाईंले लत छोड्न सङ्घर्ष गर्दै हुनुहुन्छ भनेर सबैले थाहा पाउनुपर्छ भन्ने होइन। त्यो व्यक्तिलाई रोज्नुहोस् जसले लत छोड्न मानिसहरूलाई परामर्श दिने काम गर्छ– यो व्यक्ति पास्टर, जवान सङ्गतिको अगुवा अथवा परामर्शदाता हुनसक्छ। त्यो व्यक्ति जसमाथि तपाईंले पूर्ण भरोसा गर्न सक्नुहुन्छ, सुरक्षित महसुस गर्नुहुन्छ र लतसँग सम्बन्धित कुराहरूमा अनुभवी छ र यसले उनलाई कुनै अचम्मित पार्दैन।
अश्लील सामग्रीले तपाईंलाई झुट कुराहरूका पासोमा पार्छ। यसको विपरीत, परमेश्वरले हामीलाई सत्यतातर्फ डोर्याउनुहुन्छ। येशुले भन्नुभयो, “यदि तिमीहरूले मेरा आज्ञाहरू पालना गर्यौ भने तिमीहरू साँच्चीकै मेरा चेलाहरू हौ। तब तिमीहरूले सत्यता थाहा पाउनेछौ र त्यस सत्यताले तिमीहरूलाई स्वतन्त्र बनाउनेछ।”१ येशुको यो कुरा सुन्नेहरू जसलाई ठेस लाग्यो, तिनीहरूले प्रतिउत्तर दिए, “हामी कहिल्यै कसैको दास भएका छैनौं, हामी स्वतन्त्र हुन्छौं भनेर तपाईं कसरी भन्न सक्नुहुन्छ?”२ तब येशुले यो स्पष्ट पार्नुभयो कि मानिसहरू पापको दासत्वमा छन्, र उहाँले तिनीहरूलाई स्वतन्त्र गर्न सक्नुहुन्छ।३
पापले हामीलाई केवल दास मात्र बनाउने होइन तर परमेश्वरबाट पनि टाढा बनाउँछ। त्यस्तै कुनै पनि व्यक्ति सिद्ध छैन। कोही पनि परमेश्वरको नजरमा धर्मी छैन। बरू हामीलाई यस्तो भनियो, “हामी सबै जना भेडाहरू जस्तै बरालिएका छौं र आफ्नै बाटोतिर लागेका छौं।”४ हामी सबै जना परमेश्वरको न्याय र दण्ड पाउन योग्यका छौं। तर पनि परमेश्वर; जो पवित्र र दयालु हुनुहुन्छ, उहाँले हाम्रा पापको एउटा समाधान गरिदिनुभयो, जसकारण हामीले आफैलाई दोषी ठहराउनु पर्दैन । उहाँले आफैमा हाम्रा पापको दण्ड भोग्नुभयो। परमेश्वरको पुत्र, येशु ख्रीष्टलाई हाम्रा पापको लागि यातना दिइयो र क्रूसमा मारियो ताकि हामीले क्षमा पाउन सकौं। तीन दिनपछि, आफूले भनेजस्तै गरी येशु मृतकबाट जीवित हुनुभयो। अब उहाँले तपाईंलाई उहाँसित सम्बन्ध गाँस्ने अवसर दिनुहुन्छ। बाइबलको सबैभन्दा अद्भुत भनाइ यो हो: “यदि हामीले आफ्ना पाप स्वीकार गर्छौं भने हाम्रा पाप क्षमा गर्न, सबै अधर्महरूबाट हामीलाई शुद्ध गर्न उहाँ विश्वासयोग्य र धर्मी हुनुहुन्छ।”५
सामीप्य र प्रेमको तपाईंको खोजमा अश्लील सामग्री साँचो प्रेमको एउटा खोक्रो विकल्प हो। परमेश्वर आफैद्वारा हाम्रो सामीप्यताको आवश्यकतालाई पूर्ण तवरले पूरा गर्न उहाँले हामीलाई सृष्टि गर्नुभयो। “किनभने परमेश्वरले संसारलाई यस्तो प्रेम गर्नुभयो कि उहाँले आफ्ना एकमात्र पुत्र दिनुभयो, ताकि उहाँमाथि विश्वास गर्ने कोही पनि नाश नहोस्, तर त्यसले अनन्त जीवन पाओस्।”६ मानिसहरूका जीवनमा अश्लील सामग्रीले ल्याउन सक्ने अन्धकार र विनाशको ठीक विपरीत, येशुले भन्नुभयो, “तिनीहरूले जीवन पाऊन्, र त्यो प्रशस्त मात्रामा पाऊन् भन्ने हेतुले म आएँ।”७ येशुसँगको सम्बन्धद्वारा परमेश्वरले तपाईंलाई क्षमा दिनुहुन्छ। के तपाईंले येशूले क्षमा दिएको र उहाँ तपाईंको जीवनमा आउनु भएको चाहनुहुन्छ? अहिले नै प्रार्थनाद्वारा तपाईंले यसो गर्न सक्नुहुन्छ। यदि यसलाई शब्दहरूमा व्यक्त गर्नमा सहायता चाहिन्छ भने तलको यो प्रार्थना दोहर्याउनुहोस:
“प्रभु येशु, मैले मेरो पाप थाहा छ, र मलाई तपाईंको बारेमा पनि थाहा छ। म तपाईंलाई बिन्ती गर्छु मलाई क्षमा र शुद्ध गरिदिनहुनुहोस् । मेरा पापका लागि क्रूसमा मर्नुभएकोमा तपाईंलाई धन्यवाद। अहिले नै मेरो जीवनमा आउन र नयाँ काम सुरु गर्न तपाईंलाई बिन्ती गर्छु। तपाईंको इच्छा अनुसार मेरो जीवनलाई डोर्याउनुहोस्। तपाईंको क्षमाको लागि र अहिले नै मेरो जीवनमा आउनुभएकोमा तपाईंलाई धन्यवाद।”
| ► | मैले भरखरै येशूलाइ मेरो जीवनमा ग्रहणा गरें (केही सहयोगी सूचनाहरू) |
| ► | म येशूलाइ मेरो जीवनमा निम्त्याउन चाहन्छु। कृपया यस बारेम अरू बताउनुहोस् |
| ► | म प्रश्न सोध्न चाहन्छु… |
फुटनोटहरू: (१) यूहन्ना ८:३१ - ३२ (२) यूहन्ना ८:३३ (३) यूहन्ना ८:३४ (४) यशैया ५३:६ (५) १ यूहन्ना १:९ (६) यूहन्ना ३:१६ (७) यूहन्ना १०:१०
